e-society.Mk

Од 15 до 17 ноември 2006 година во Скопје ќе се одржи Втората меѓународна конференција „е-Општество.Мк“, со фокус на креирање на применети политики и легислатива, како и улогата на регионалната соработка во развојот на информатичкото општество. На конференцијата експерти, носители на одлуки, претставници на групи за застапување и други заинтересирани страни од Македонија, Југоисточна Европа и ЕУ ќе споделат знаења и искуства низ низа панел-дискусии и работилници.

Пријавувањето за конференцијата е бесплатно и можете да го извршите на www.e-society.org.mk

Владимир Петков добитник на овогодинешната награда Dirk Award 2006

Комитетот на „Dirk Award“ го прогласи Владимир Петков алијас Каладан за добитник на највисоката награда во областа на еРајдерството, „Dirk Award 2006“.

Наградата „Dirk Award“ се доделува еднаш годишно на еРајдери кои дале особен придонес за невладиниот сектор во меѓународни рамки следејќи ги принципите на социјална правда и моќта што новите технологии можат да им ја дадат на заедници и личности. [повеќе]

Владимир Петков е еРајдер од Бугарија кој се вклучил во еРајдерството во 2003 година. Во моментов е менаџер на содржини и проекти на порталот Интерспејс, и водач на еРајдерството во Бугарија. Повеќе за него можете да прочитате тука.

Централизиран менаџмент на ресурси, контакти, состаноци, документи...

egroupware е софтвер кој ви овозможува централизирано менаџирање на ресурси на вашата интерна мрежа.
За потребите на организација Заеднички вредности оваа апликација беше инсталирана на еден од нивните компјутери и беа подесени сите останати компјутери да можат преку веб прелистувач едноставно да пристапуваат кон апликацијата. Секако се распределија и различни нивоа на пристап до апликацијата и се одржа обука за користење на апликацијата на дел од членовите на органзиацијата.