22 НВО се дел од е-Рајдери!

Моментално дел од проектот е-рајдери Македонија се 22 организации ширум Македонија. Опфатени се НВО од градовите Скопје, Велес, Радовиш, Струмица и Гевгелија:

Од Скопје:

• АЕГЕЕ
• Акција Здруженска
• Заеднички вредности
• МАССО
• МОФ
  
• СОЖМ
• ЦДРИМ

Од Велес:

• Вила Зора
• Галеби, Чашка
• Грин Пауер
• Здружение на слепите лица на општина Велес
• Извиднички Одред „Димитар Влахов“

Од Радовиш:

• Женска акција

Од Струмица:

• Организација на жени
• Планетум
• Утро, Ново Село

Од Гевгелија:

• Гординија
• Европски форум
• Еко, Стојаково
• Еко храна
• Јужна градина
• СЕЖАМ

E-рајдерите се здобија со Xpert компјутерски сертификат

Во изминатите три дена се одржа обука/полагање на опширните знаења и практичните вештини за работа со високо распространетите и користени кориснички модули. Е-рајдерите од Метаморфозис се здобија со овој европски признат сертификат, освојувајќи висок број на бодови со што се стекнаа и со право да држат оваков вид на обука. Повеќе информации околку Xpert Европски Компјутерски Сертификат можете да најдете на следната адреса: www.xpert-online.de

Заедничко за сите организации кои учествуваат во проектот....

Интересно е да се напомене дека организациите кои учествуваат во проектот имаат различно поле и цели на активност. Почнувајќи од организации кои работат на полето на заштита на околината, човековите права, здравствената заштита, уметност и култура итн; организации кои нудат едукација и советување, економски развој... сите тие имаат една заедничка потреба. Подобро и поефикасно користење на ИКТ технологиите во нивната работа. Кај сите нив наидовме на потреба за подобра имплементација и трансформација на овие технологии во нивната работа.

Успешно завршени обуки со членовите на НВО Акција Здруженска

Изминатата недела беа завршени неколку вида на обуки со членовите на Акција Здруженска. Овие обуки се однесуваа на нивната потреба за непречено ажурирање на веб сајтот. Од претходно наведени и инсталирани програми обуките се однесуваа на:

1. Microsoft Front Page

• Увоз и обработка на Word документи наменети да прераснат во написи на сајтот
• Копирање на обработениот HTML код во сајтот
• Изработка на написи во Front Page кои подоцна ќе се вметнат во сајтот
  

2. The Gimp

• Основна обука за обработка на слики
• Промена на димензии на сликата
• Сечење на оделни сегменти од една слика
• Видови на компресирање и снимање на сликите за на веб

3. Open Office

• Претставување на програмите од пакетот Open Office
  
• Користење на Open Office Writer како алатка за обработка на текст а воедно и произведување на pdf документи.
• Користење на останатите програми од Open Office пакетот, и нивната сличност и едноставност како и програмите од Microsoft Office.
  

Уште една НВО се вклучи во проектот е-рајдери Македонија

CDRIM - Центар за Демократски Развој и Иницијатива, е уште една од организациите кои се приклучија на проектот e-riders Macedonia. CDRIM е граѓанска организација која работи на полето на здравствената заштита, човековите права, законодавството и други активности. CDRIM постои две години, и е една од успешните ромски организации. Просториите се наоѓаат во населбата Шуто Оризари, со што ја прави поблиска до нејзината целна група, Рома популацијата.

Наскоро ќе се изработи стратегија и технолошки план за оваа организација. Документите во pdf формат ќе ги има на блогот и ќе може да ги погледнете во најскоро време.

За сајтот на Акција Здруженска

За ажурирање на сајтот на Акција Здруженска утврдивме неколку потреби кои требаше да се задоволат.

• инсталирање на Open Office (содржи опција за креирање pdf документи)
  
• инсталирање на The Gimp
  
• инсталирање на Microsoft Front Page
• инсталирање на конвертор (за конвертирање во македонска подршка или кириличен фонт)

Горенаведените програми беа успешно инсталирани и во наредните неколку дена ќе следи обука за нивна употреба.

МАССО ја поминаа првата обука

Неколку членови од МАССО успешно ја поминаа обука за обработка на текст, односно напреден курс за користење на Microsoft Word. Се стекнаа со знаење за употреба на опцијата mail merge, правење на етикети, работа со табели и колони, како и автоматско внесување на содржина, word count и др. Продолжуваме понатаму со курс за обработка на податоци. За потребата на оваа обука беше изработен мал прирачник кој ќе и послужи на организација за обука на нивните волонтери.

Завршена обука за користење на мрежи со Акција Зруженска

Акција Здруженска ја поминаа обуката за работа со мрежи. Бидејќи имаа добра инфраструктура, веќе поврзани компјутери во мрежа, беа објаснети кои типови на мрежи најчесто се користат, како се поставува мрежа, работа во мрежа, делење на ресусри во мрежа, безбедност и и заштита од упади во мрежата. Со што го скратија времето на пренесување на податоци од еден на друг компјутер, како и поедноставно користење на периферните уреди.