Извештај за одржаната обука во ЦПНВО Струмица

Во центарот за поддршка на НВОи во Струмица се одржа целодневна ИКТ обука за активистите од неколку организации кои се дел од проектот е-Рајдери. Од секоја организација учествуваа по тројца членови, а центарот на користење ни ги отстапи своите технички ресурси (компјутери + интернет пристап).
Обуката започна во 10 ч. и траеше до 17 часот. Беа опфатени три модули, односно обука за:

• напредно користење на оперативниот систем Windows
• напредни опции на апликацијата за обработка на текст Microsoft Word
• обука за подготвување на презентации во апликацијата Microsoft Power Point

на обуката присуствуваа членови од следниве организации:

• Организација на жени - Струмица
• Еколошко друштво Планетум
• Граѓанска организација Утро - Ново Село

Учесниците добија материјали во печатена и електронска форма. На 19.04.2006 ќе се одржи и вториот модул од ИКТ обуката. Потоа ќе се започне со имплементација на стекнатите знаења во нивната работа и мерење на резултатот од имплементирањето на ИК технологии.